Transcription du document CH AEG P.H. 1170

Premier texte de constitution de l’Eglise de Genève

Ce passage institue le chant des psaumes à Genève, 16 janvier 1537

C’est une chose bien expedient à l’edification de l’esglise de chanter aulcungs pseaumes en forme d’oraysons publicqs par les quelz on face prieres à Dieu ou que on chante ses louanges affin que les cueurs de tous soyent esmeuz et incités à former [pareilles] oraysons et rendre pareilles louanges et graces à Dieu d’une mesme affection. […] Certes comme nous faysons, les oraysons des fidelles sont si froides, que cela nous doyt tourner à grand honte et confusion. Les pseaulmes nous pourront inciter à eslever noz cueurs à Dieu et nous esmouvoyr à ung ardeur tant de l’invocquer que de exalter par louanges la gloyre de son nom. Oultre par cela on pourra cognoestre de quel bien et de quelle consolation le pape et les siens ont privé l’esglise, quant il ont applicqués les pseaulmes, qui doibvent estre frays champs spirituel, à murmurer entre eux sans aulcune intelligence. La aniere de y proceder nous a semble advis bonne si aulcungs enfans, aux quelz on ayt auparavant recordé ung chant modeste et ecclesiastique, chantent à aulte voys et distincte, le peuple escoutant en toute attention et suyvant de cueur ce qui est chanté de bouche jusques à ce que petit à petit ung chascun se accoustemera à chanter communement.

CH AEG P.H. 1170

Retour à la StoryMap