Adoption de la Réforme en Conseil général
21 mai 1536
Dimenche vingt et ung de may 1536
C. Savoye
Est. Chap. Rouge
A. Porral
He. Levet, sindicques
Hud. du Mollard, M. Sept, Jehan Cocquet, Francoy Favre, Do. Darlod; A. Bandire, A. Chappeaulx Rouge, B. Messeri, M. Morel.
Le Conseil General, en Cloistre
Jouxte la resolution du Conseil Ordinaire, est esté assemblé le General au son de la clouche et à la trompete, ainsy qu’est de coustume. Et par la voye de monsr Claude Savoye, premier sindicque, est proposé l’arrest du Conseil Ordinaire et de Deux Centz touchant le mode de vivre. Et après ce, aulte voix est esté demandé s’il y avoit aulcungs qui sceusse et volsisse dire quelque chose contre la parolle et la doctrine que nous est en ceste cité precchee, qu’il le dyent et à scavoir si trestous veulent pas vivre selon l’evangille et la parolle de Dieu, ainsy que dempuys l’abolition des messes nous est esté presché et se presche tous les jours, sans plus aspirer ny voloir messes, ymaiges, ydoles ny aultres abusions papalles quelles qu’elle soyent. Sur quoy, sans point d’aultre voix qu’une mesme, est esté generalement arresté et par elevation des mains en l’air conclud, et à Dieu promys et juré, que trestous unanimement, à l’ayde de Dieu, volons vivre en ceste saincte loix evangellicque et parolle de Dieu, ainsyn qu’elle nous est annuncee, veuillans delaisser toutes messes et aultres ceremonies et abusions papales, ymaiges et ydoles, et tout ce que cela porroit toucher, vivre en union et obeissance de justice.
CH AEG R.C. 29, f. 112-113.
Transcription: Registres du Conseil de Genève, Publiés par la Société d’histoire et d’archéologie de Genève, Genève, 1900-1940, T. 13: Du 3 juillet 1534 au 23 mai 1536, pp. 576-577.
Suivez-nous !
Rejoignez notre communauté sur les réseaux sociaux