Transcription du document CH AEG R.C. 41, f. 82v.-83

Abbayes remplaçant les tavernes

Jeudi 29 avril 1546

Inhibitions et deffences contre cieulx de la ville et habitant en Icelle de non aller aux tavernes

A esté ordonné que pour le prouffit du publicq soyent faictes cries publiquement à voex de trompe que nul de la ville et habitans en icelle n’ayent à aller aux tavernes, ny les taverniers les recepvoyer, sus poienne de dix solz et troys jours en prison.

AEG R.C. 41, f. 82v.

Hostes et hostesses

Et semblablement soyent faictes deffences esdits  hostes et hostesses de ne loger les estrangiers plus hault de troys jours sans le venyr revellé à la Seigneurie, sus ladicte poienne.

De ne fere chose hors la ville

Ordonné ausy qui soyent faictes cries que nul ne fasse hors Geneve chose qui ne osasse fere dans la ville, sus ladicte poienne, avecque telle declaration que quant ung estrangier convoyra quelchun de la ville à aller aux tavernes, que il puysse aller sans reprehension.

Maysons appelles les abbayes

Pource que l’on a deffendu les tavernes à cieulx de la ville, à esté advisé de dresser des abbayes sus lesquelles l’on pourra aller boyre et mangé les ungs avecque les aultres, et soyent my en icelles gens de bien, les queulx ne debvront fere le pain pour vendre en leur mayson, ny fere amas de vin, mes il doybgent allé achepté par la ville.

AEG R.C. 41, f. 83

Retour à la StoryMap